addons.mozilla.org (AMO) al è il sît uficiâl di Mozilla par scuvierzi e instalâ components adizionâi par Firefox. I components adizionâi a judin a modificâ e personalizâ la tô esperience di navigazion zontant gnovis funzions a Firefox, miorant lis interazions cui contignûts dal Web e cambiant l'aspiet dal navigadôr.
Se tu stâs cirint components adizionâi par Thunderbird o SeaMonkey, visite addons.thunderbird.net o addons.thunderbird.net/seamonkey.
Une comunitât di creatîfs
I components adizionâi che tu cjatis achì a son creâts di miârs di dissegnadôrs di temis e svilupadôrs di dut il mont, spaziant di passionâts di informatiche fin a grandis societâts. Cualchi component adizionâl listât su AMO al è stât publicât in automatic, ma al è pussibil che al ricevi une revision dal nestri grup di editôrs dopo de publicazion.
Colabore cun nô
Mozilla e je une organizazion cence finalitâts di vuadagn che si impegne a difindi internet. Firefox al è studiât e cret par tignî internet in salût, viert e acessibil. I components adizionâi a supuartin lis sieltis dal utent e lis personalizazions in Firefox. Tu puedis contribuî ancje tu, ve chi cemût:
- Cree un component adizionâl dut to. AMO al met a disposizion un servizi di hosting gratuit e inzornaments automatics e ti jude a aumentâ la tô visibilitât par rivâ a un public plui ampli.
- Judinus a miorâ chest sît web. Il so codiç al è open source (a codiç viert), duncje tu puedis segnalâ erôrs e proponi blecs pai erôrs. Tu puedis scomençâ provant a risolvi un probleme cun etichete good first bug o viodi ducj i problemis vierts su Github pal servidôr AMO e il so frontend.
- Desideristu ineragjî cun addons.mozilla.org (AMO) a nivel di programazion? Controle la documentazion dai Servidôrs dai components adizionâi pai detais su lis APIs dopradis di AMO e il Gjestôr dai components adizionâi.
Se tu desieris contribuî ma no tu âs lis compentencis tecnichis necessaris, tu puedis simpri judâ in altris manieris:
- Partecipe tal nestri forum.
- Lasse une opinion ai tiei components adizionâi preferîts. I autôrs si butin plui vulintîr a miorâ i lôr components adizionâi e a creânt di gnûfs cuant che a viodin che la int e presee il lôr lavôr.
- Dîs ai tiei amîs e ae famee che Firefox al è un navigadôr svelt e sigûr che al protêç la lôr riservatece, e che a puedin doprâ components adizionâi par rindilu personalizât!
Par viodi altris mûts di colaborâ ae comunitât dai components adizionâi, visite il nestri wiki.
Segnale un probleme
Se tu cjatis un probleme cul sît, nus plasarès risolvilu. Presente une segnalazion di probleme e inclût plui detais pussibii.
Par segnalâ une vulnerabilitât di sigurece di une estension, ancje se e je ospitade su chest sît, vierç une segnalazion di probleme su Bugzilla. Dutis lis segnalazions su lis vulnerabilitâts di sigurece a son confidenziâls.
Oten assistence
Se tu desideris savê di plui su cemût gjestî i components adizionâi in Firefox o tu ciris assistence par Firefox, visite il sît di supuart Mozilla. Se lì no tu cjatis lis rispuestis che tu ciris, tu puedis domandâ aiût ae comunitât sul forum.